მთავარი » 2014 » დეკემბერი » 14 » ცნობილი, მდიდარი და გავლენიანი ადამიანები, რომლებიც ოდესღაც უსახლკარონი იყვნენ
11:40 AM
ცნობილი, მდიდარი და გავლენიანი ადამიანები, რომლებიც ოდესღაც უსახლკარონი იყვნენ

image

ჩვენ ხშირად გვეჩვენება, რომ ადამიანების მცირე ნაწილს აქვს ყველაფერი: ფული, დიდება, წარმატება, გავლენა, სახელი.. .ხოლო ადამიანების უდიდესი ნაწილი ჩვეულებრივი ცხოვრებით ცხოვრობს და ხშირად ნატრობს, რომ თავი მდიდრად და გავლენიანად იგრძნოს, მაგრამ თქვენ ალბათ არ იცით, რომ დღესდღეობით ცნობილი და წარმატებული ბევრი ადამიანი არცთუ ისე დიდი ხნის წინათ, თავიანთი კარიერის დაწყებამდე სრულ სიღარიბესა და უსახლკარობაში ცხოვრობდა. ამ პოსტში სწორედ ასეთ ადამიანებზე გვექნება საუბარი.

 

image

 

ჯიმ მორისონი

image

 

იმდენი განსხვავებული ლეგენდა და ისტორიაა დაკავშირებული «The Doors» -ს სახელგანთქმული სოლისტის სახელთან, რომ ძნელი სათქმელია, რომელია მათგან სწორი და რომელი ტყუილი. მაგრამ ერთი უდაოა, რომ ჯიმი თავისი შემოქმედებითი გზის დასაწყისში სრულიად უსახლკარო იყო. ჯიმის ბევრი თაყვანისმცემელი მოგიყვებათ, თუ როგორ ცხოვრობდა ის დიდების ზენიტში მყოფი იაფფასიან სასტუმრო La Cienega Boulevard-ში, მაგრამ ბევრმა არ იცის, რომ მანამდე ის საერთოდ უსახლკარო იყო და ეძინა იქ, სადაც მოუხდებოდა. ამ ადგილს ხშირად ვენის – ბიჩის ხიდი წარმოადგენდა.

 

ჰოლი ბერი

image

 

ჰოლი ბერი დღესდღეობით ერთადერთი აფროამერიკელი მსახიობია, რომელმაც მიიღო ოსკარი ქალის როლის საუკეთესო შესრულებისათვის. თავად ეს ფაქტიც მეტყველებს მის წარმატებაზე, სიმდიდრესა და გავლენაზე, მაგარმ კარიერის დასაწყისში ჰოლის ცხოვრების გზა როდი იყო ია-ვარდებით მოფენილი. ორი წარუმატებელი ქორწინება, რამოდენიმე უიღბლო ურთიერთობა და თვითმკვლელობის მცდელობა-აი ასეთი იყო მისი ცხოვრება. ერთ-ერთ ინტერვიუში ჰოლი ბერი გამოტყდა, რომ გარკვეული პერიოდის მანძილზე უსახლკაროც კი იყო, მაგრამ მან თავის თავში იპოვა ძალა, რომ ფეხზე წამომდგარიყო.

 

შანაია ტვეინი

image

 

90-იანი წლების ქანთრის დედოფალი შანაია ტვეინი დღეს მდიდარი და გავლენიანი ქალია და შეუძლია საკუთარ თავს ყველაფრის უფლება მისცეს, მაგრამ მისი გზა დიდებისა და წარმატებისაკენ როდი იყო იოლი. მანამ, სანამ მუსიკალური ჩარტების სათავეებს დაიპყრობდა, შანაიამ გადაიტანა სიღარიბე, ძალადობა ოჯახში და რამოდენიმე ხნის განმავლობაში უსახლკაროც კი იყო. სახლიდან გაქცეული ტვეინი რამოდენიმე თვის განმავლობაში ტორონტოში მაწანწალა ცხოვრებასაც კი ეწეოდა, მაგრამ როცა მშობლები ავტოკატასტროფაში დაიღუპნენ, ის იძულებული გახდა სახლში დაბრუნებულიყო და უმცროს და-ძმაზე ეზრუნა.

 

ჩარლი ჩაპლინი

 

image

 

მე-20 საუკუნის პირველი ნახევრის ერთ-ერთი უპოპულარულესი მსახიობის და მუნჯი კინოს ვარსკვლავის ჩარლი ჩაპლინის დიდების მწვერვალისაკენ მიმავალი გზაც არ ყოფილა იოლად სავალი. ჩარლის მამა გარდაიცვალა მაშინ, როცა ბიჭი 10 წლისაც კი იყო, ავადმყოფი დედა დროის უმეტეს ნაწილს ჰოსპიტლებსა და საავადმყოფოებში ატარებდა, ამიტომ 10 წლის ჩარლის უხდებოდა პურის ფულის საშოვნელად მუშაობა და ხშირად ეძინა ლონდონის ქუჩებში.

 

სტივ ჰარვი

image

 

დღეისათვის სტივს საწუწუნო არაფერი აქვს: მას აქვს საკუთარი ტოქ-შოუ, ჰყავს საყვარელი ცოლი, აქვს ორი მდიდრული სახლი – ჩიკაგოსა და ატლანტაში, არის რამოდენიმე ბესტსელერის ავტორი, მაგრამ 80-იანი წლების დასაწყისში ცხოვრება მის მიმართ ასეთი კეთილი როდი იყო: წარუმატებელი ქორწინების შემდეგ, რომელიც გაყრით დასრულდა, სტივი უსახლკაროდ დარჩა და ღამეს თავის ძველ ავტომობილში Ford Tempo-ში ათევდა.

 

კარმენ ელექტრა

 

image

 

კარმენ ელექტრა კინოს სამყაროს მეორე პამელა ანდერსონად მოევლინა. მართალია, ის სექს-სიმბოლო ვერ გახდა, მაგრამ მუდამ იქცევდა ყურადღებას უცნაური ურთიერთობებით და ცხოვრების გლამურული სტილით. თუმცა კარმენის ცხოვრება მუდამ ასეთი როდი იყო. ახალგაზრდა კარმენის ბოიფრენდი ქურდობისათვის დაიჭირეს და გოგონა რამოდენიმე წელიწადი ცხოვრობდა ქუჩაში, ღამეს კი თავშესაფრებში ათევდა.

 

დენიელ კრეიგი

image

 

ახლანდელმა ჯეიმს ბონდმა მხოლოდ ერთი-სკაიფოლის როლისათვის 20 მილიონი დოლარი ჰონორარი მიიღო – ეს თანხა საკმარისზე მეტია იმისათვის, რომ კრეიგს და მის შთამომავლობას 50 წელი ეყოთ უზრუნელად ცხოვრებისათვის. მაგრამ ადრე ყველაფერი ასე მარტივად როდი იყო: ინტერვიუში კრეიგი გამოტყდა, რომ სიჭაბუკის წლებში მას საშინელი რამეების კეთება უწევდა საარსებო საშუალებების მოსაპოვებლად და ის დროის უმეტეს ნაწილს ქუჩაში ატარებდა.

 

სილვესტერ სტალონე

 

image

 

არანაირი ეჭვი არაა იმისა, რომ სტალონეს მის მიერ ფილმებით მიღებული ჰონორარი სიცოცხლის ბოლომდე ეყოფა, მაგრამ მიუხედავად დღევანდელი კეთილდღეობისა, მან კარგად იცის, რაა უსახლკარობა. სიჭაბუკის წლებში ბიჭი რამოდენიმე თვის განმავლობაში ათევდა ღამეს პორტში, რადგან ყოველგვარი საარსებო საშუალების გარეშე იყო დარჩენილი. სწორედ მაშინ წააწყდა ის რეკლამას ფილმის კასტინგისათვის, რომელში მიღებული მცირე როლითაც გამოიმუშავა თავისი პირველი 100 დოლარი.

 

სტივ ჯობსი

 

image

 

რა მოგდით პირველად გონებაში, როცა სტივ ჯობსის სახელი გესმით? – პასუხი ერთია: ფული, ფული და კიდევ ერთხელ ფული. მაგრამ იცით თუ არა თქვენ, რომ კომპანია Apple-ის ერთ-ერთი დამაარსებელი ახალგაზრდობაში უსახლკარო იყო? სტუდენტობის წლებში ის ღამეებს მეგობრებთაან ათევდა სტუდენტურ საერთო საცხოვრებელში და ცარიელი ბოთლების შეგროვებით და ჩაბარებით შოულობდა პურის ფულს. ერთადერთი წესიერი კვება მას ჰქონდა მხოლოდ კვირაში ერთხელ, როცა შვიდ მილს გადიოდა ფეხით კრიშნაიდების ტაძრამდე მისასვლელად, სადაც მას ცხელი სადილი ელოდა.

 

ჯენიფერ ლოპესი

 

image

 

ლათინოამერიკელი სუპერვარსკვლავის და ერთ-ერთი ყველაზე წარმატებული შემსრულებლის ჯენიფერ ლოპესის დღევანდელი ქონება 250 მილიონ დოლარს აჭარბებს, მაგრამ სიმდიდრემდე და წარმატებამდე მისი ცხოვრებაც არ იყო იოლი. ჯეი ლოს დედას არ მოსწონდა შვილის გატაცება ცეკვებით, ამიტომ გოგონას ხშირად უხდებოდა ღამის გასათევად ცეკვის სტუდიაში დარჩენა და ბავშვთა თავშესაფარში მუშაობა, რომ ცეკვის გაკვეთილების ფული გადაეხადა.

 

ჯიმ კერი

 

image

 

ჯიმ კერი დღეისათვის ითვლება კომედიური ჟანრის ყველაზე პოპულარულ მსახიობად და ჰოლივუდის ერთ-ერთ უმდიდრეს ადამიანად, რომლის ქონება 150 მილიონ დოლარს აღწევს, მაგრამ წლები მისი კარიერის დასაწყისისა არც ისე წარმატებული იყო. კერების ოჯახმა დაკარგა ბინა, როცა ჯიმი 15 წლის იყო. მამა სამსახურიდან დაითხოვეს და საერთოდ, იმ წლებში ყველაფერი უკან-უკან მიდიოდა. რამოდენიმე თვის განმავლობაში ოჯახი ფურგუნში ცხოვრობდა. ჯიმი იძულებული გახდა სკოლა მიეტოვებინა და მეეზოვედ დაეწყო მუშაობა, რომ ოჯახს შეშველებოდა.

 

წყარო : intermedia.ge

კატეგორია: ცნობილი | ნანახია: 348 | დაამატა: buka | რეიტინგი: 0.0/0
სულ კომენტარები: 0
შესვლის ფორმა
კალენდარი
«  დეკემბერი 2014  »
ორსამოთხხუთპარშაბკვ
1234567
891011121314
15161718192021
22232425262728
293031
ჩვენი გამოკითხვა
მოგწონთ ჩვენი საიტი?
სულ პასუხი: 15728
სტატისტიკა

სულ ონლაინში: 1
სტუმარი: 1
მომხმარებელი: 0