მთავარი » 2012 ივლისი 11 » იუდას როლის შესრულებისას ბრაზილიელმა მსახიობმა შემთხვევით ჩამოიხრჩო თავი
12:42 PM იუდას როლის შესრულებისას ბრაზილიელმა მსახიობმა შემთხვევით ჩამოიხრჩო თავი | |
 ბრაზიელი მსახიობი ტიაგო კლიმეკი პანტომიმის შესრულებისას დაიღუპა, სადაც იგი იუდა ისკარიოტელის როლს თამაშობდა. სიკვდილის მიზეზი უბედური შემთხვევა გახდა. კლიმეკმა იუდას თვითმკვლელობის სცენის შესრულებისას შემთხვევით მართლა ჩამოიხრჩო თავი. სპექტაკლი ქრისტეს აღდგომის დღესასწაულს ეძღვნებოდა. 27 წლის მსახიობი ოთხი წუთის მანძილზე იყო ჩამოკიდებული თოკზე, ვიდრე სხვა მსახიობებმა მომხდარი არ გააცნობიერეს. თოკიდან ჩამოხსნისას კლიმეკი უგონო მდგომარეობაში იყო. ის ქალაქ იტარატეს საავადმყოფოში გადაიყვანეს, სადაც გასულ კვირას, 22 აპრილს გარდაიცვალა. პოლიცია იმ მოწყობილობას სწავლობს, რომელიც სახიფათო სცენის შესრულებისას მსახიობის უსაფრთხოებას უზრუნველყოფდა. ლათინური ამერიკის ქვეყნებში ქრისტეს ვნებების თემაზე დადგმული პანტომიმები დიდი პოპულარობით სარგებლობს აღდგომის კვირეულსა და შემდეგ დღეებში. სპექტაკლებში იესო ქრისტეს ცხოვრების უკანასკნელი დღეებია აღწერილი; საიდუმლო სერობა, პილატეს განაჩენი, ქრისტეს ჯვარცმა და იუდას თვითმკლელობა.  | |
|
| |
| სულ კომენტარები: 1 | |
|
| |