მთავარი » 2012 ივლისი 29 » მუსიკა ტკივილის ატანას ეხმარება
9:04 PM მუსიკა ტკივილის ატანას ეხმარება | |
 გლაზგოს შოტლანდიური უნივერსიტეტის ფსიქოლოგები ცდებს ატარებდნენ ადამიანებზე და დაასკვნეს, რომ მუსიკას ტკივილგამაყუჩებლის ფუნქციის შეთავსება შეუძლია. ლაბორატორიული კვლევის მიმდინარეობისას, მეცნიერებმა მოხალისეებს სთხოვეს, ხელი ცივ წყალში ჩაედოთ იმდენხანს, რამდენხანსაც ეს შესძლებელი იყო. ერთ ჯგუფს ექსპერიმენტის დროს კომედიას აჩვენებდნენ, მეორეს - გონებაში ათვლევინებდნენ, ხოლო მესმეს – საყვარელი მუსიკის მოსმენის საშუალება მისცეს: პანკი, როკი, ფოლკლორი, კლასიკა და ა.შ., სურვილის მიხედვით. გაირკვა, რომ მუსიკის მსმენელებმა ყველაზე დიდხანს აიტანეს გაყინულ წყალში ხელის ტკივილი. ამიტომ მკვლევრები ვარაუდობენ, რომ მუსიკა ემოციურად ყველაზე ძლიერად იპყრობს ადამიანს და გადააქვს ყურადღება, და ამით დისკომფორტით გამოწვეულ შფოთს ანელებს და მოთმინებას ზრდის. "ყველაზე უცნაური არჩევანი სიმღერა Prodigy’s "Fire starter" იყო. ალბათ დამეთანხმებით, ეს არაა ის მუსიკა, რომელიც განტვირთვის და მოდუნების საშუალებას გაძლევს,” - ამბობდა ექსპერიმენტის მონაწილე დოქტორი ლორა მიტჩელი. - არადა იმ კაცმა, რომელმაც ეს სიმღერა აირჩია ხუთჯერ დიდხანს მოითმინა ტკივილი, ვიდრე სხვა მსმენელებმა. ზემომოტანილი დასკვნების პარალელურად აქტიურად იწყებენ მუსიკის გამოყენებას თავის საქმეში სტომატოლოგიური კლინიკები და ეფექტს არასდროს უჩივიან | |
|
| |
| სულ კომენტარები: 0 | |