დაახლოებით ჩვ.წ. 1000 წელს ვეიბერტრუს ციხე აშენდა მთაზე, რომელზეც მნიშვნელოვანი სავაჭრო გზა გადიოდა. 1140 წელს მას კონრად III-მ ალყა შემოარტყა სტაუფერებსა და ველფებს შორის ომებისას. 1140 წლის 21 დეკემბერს ალყა დანებებით დასრულდა, ვინაიდან ველფ VI-ის მიერ მის გასათავისუფლებლად წარგზავნილი ჯარი სტაუფერებმა დაამარცხეს. Chronica regia Coloniensis-ის თანახმად კონრად III-მ ციხესიმაგრეში შეხიზნულ ქალებს თავისუფლად წასვლის ნება დართო და ზურგით რის წაღებასაც მოახერხებდნენ იმის წაღების უფლებაც მისცა. ქალებიც ადგნენ და ქმრები წამოიკიდეს ზურგზე, რითაც ისინი ტყვეობისა და სიკვდილისგან იხსნეს. ამ ქალებს „ერთგული ქალები" (გერ. treue Weiber) უწოდა ისტორიამ, აქედან მოდის ციხის სახელიც - Weibertreu.
