ბოლოსწინა, 79-ე წუთი მიმდინარეობდა, როცა ჰოლანდიელმა იორიტ ჰენდრიქსმა ჩვენს საჯარიმოში საჰაერო ორთაბრძოლა მოიგო და ბურთი საქართველოს ნაკრების კარში უცნაური ტრაექტორიით ჩაეშვა.
ქართველებმა ერთიც გაიბრძოლეს, მაგრამ შეუძლებელი ვეღარ შეძლეს - დარჩენილ დროში ჰოლანდიელებმა კიდევ გაიტანეს და ფინალის საგზური მოიპოვეს.
ძალიან გულდასაწყვეტია, რომ ევროპის ჩემპიონატის გადამწყვეტ მატჩამდე ერთადერთი ნაბიჯი დაგვაკლდა. ორმაგად გულდასაწყვეტი კი ის არის, რომ თითქმის მთელი მატჩის განმავლობაში რიცხობრივ უმრავლესობაში მყოფმა მეტოქემ ბევრით ვერაფრით გვაჯობა და თერთმეტმეტრიანების სერიამდე მცირედი დაგვაკლდა (რეგლამენტის მიხედვით, დამატებითი დრო არ დაინიშნებოდა).