მე-19-ე საუკუნის ლეგენდარული ამერიკელი ბანდიტის, ბილი კიდის, ერთადერთი ფოტო, აუქციონზე, 2,6 მილიონ დოლარად გაიყიდა. ეს ფეროტიპული ცნობილი ფოტო 1879-80 წლების მიჯნაზე, ფორტ სამერში, ნიუ-მექსიკოს შტატშია გადაღებული. მასზე ბანდიტი ვინჩესტერით ხელშია აღბეჭდილი, მარცხენა მხარეს კი კოლტის სისტემის რევოლვერი ჰკიდია. სწორედ აქედან წამოვიდა მისი მცდარი მეტსახელი, ცაცია მსროლელი. ცნობილია, რომ ფეროტიპულ ფოტოგრაფიებზე გამოსახულება სარკისებურად იყო შეტრიალებული.
|
ფოტოგრაფ სინდი შერმანის მიერ გადაღებული ეს ფოტო, სათაურით "უსათაურო №96" აუქციონზე 3,9 მილიონ აშშ დოლარად გაიყიდა და ასე იქცა ყველაზე ძვირადღირებულ ფოტოდ. ის 1981 წელს არის გადაღებული და კოლექციონერმა ფილიპ სეგალოტმა შეიძინა.
|
მერლინ მონროს კაბა, რომელიც მას ბილი უაიდერის კომედიაში „შვიდი წლის თავზე" აცვია, ბევერლი ჰილზში Profile in History-ის აუქციონზე 4,6 მილიონ დოლარად გაიყიდა. შეიძლება, უკვე ბევრს არ ახსოვს თუ რაზე მოგვითხრობდა ფილმი „შვიდი წლის თავზე" და ვის თამაშობს მერლინ მონრო, მაგრამ სცენა სადაც მსახიობი აფრიალებული კაბის წესრიგში მოყვანას ცდილობს, ნამდვილად კინომატოგრაფიის კლასიკად იქცა. ამბობენ, რომ სწორედ ამ სცენის შემდეგ გახდა მერლინ მონრო ყველა დროის სექს-სიმბოლო. მსახიობს წელს 85 წელი შეუსრულდებოდა
|
ბრიტანეთის დედაქალაქში აუქციონზე გასაყიდად გაიყვანეს ”Aston Martin DB5”, რომელიც საზოგადოებაში ჯეიმს ბონდის მანქანის სახელწოდებით არის ცნობილი. ამ მანქანას მსახიობი შონ კონერი მართავდა, როდესაც აგენტი 007-ის - ჯეიმს ბონდის როლს ასრულებდა. მანქანა 1964 წელს არის გამოშვებული. იგი ბონდიანას ორ ფილმში გამოჩნდა. მანქანა აღჭურვილია რადარებით, იარაღითა და ჯაშუშური მოწყობილობებით. ბონდიანას გადაღების შემდეგ, მანქანა ამერიკელმა რადიოწამყვანმა 12.000 დოლარად შეიძინა, ახლა კი იმიტომ ყიდის, რომ აუქციონიდან შემოსული თანხა ქველმოქმედებას მოახმაროს. როგორც აუქციონის ორგანიზატორები ვარაუდობენ, აგენტ 007-ის ავტომობილი 5,6 მილიონ დოლარად გაიყიდება.
|
გოგონებო დარწმუნებული ვარ მოგეწონებათ :)))
|
|