გერმანელი მამაკაცი სარეკლამო ადგილს საკუთარ სახეზე ყიდის გერმანელმა უვე ტრიოშელმა მარკერის დახმარებით საკუთარი სახე რამდენიმე ნაწილად დაყო და მათში რეკლამების განთავსება გადაწყვიტა. თოთოეულ ზონას თავისი ფასიც დაუწესა, მაგალითად რეკლამის შუბლზე განთავსება 50 ათასი ევრო ღირს, ლოყაზე – 20 ათასი, ნიკაპზე – 5000, ხოლო თუკი რომელიმე კომპანიას საკუთარი რეკლამის მთელ სახეზე განთავსება მოუნდება, მაშინ მან 100 ათასი ევრო უნდა გადაიხადოს. როგორც ტრიოშელი განმარტავს, ასეთი უცნაური გადაწყვეტილების მიღებისკენ მას ცხოველების, უფრო კონკრეტულად კი სენბერნარის ჯიშის ძაღლის სიყვარულმა უბიძგა. მამაკაცს სურს, რომ რეკლამების გზით ნაშოვნი ფულით სენბერნარის მუზეუმი გახსნას. |
კომპანია Jeep–მა წარმოადგინა დეტალური ინფორმაცია 6 ახალი ავტომობილის შესახებ, რომელთა დებიუტი შოუ Easter Jeep Safari–ზე, მოაბის უდაბნოში, მომავალ კვირაში გაიმართება. Mopar–თან ერთად შექმნილმა კონცეპტებმა მიიღეს სახელწოდებები: Jeep J-12, Mighty FC, Wrangler Traildozer, Wrangler Apache, Grand Cherokee Trailhawk და Jeep Wrangler. J-12 წარმოადგენს პიკაპ JK-8–ის გაფართოებულ ვერსიას. Jeep Mighty FC – ეს არის მოდელ Forward Control–ის თავისებური „გადამღერება". ეს უკანასკნელი 1956–დან 1965 წლამდე პერიოდში გამოდიოდა. ავტომობილს ძალიან მაღალი გამავლობა აქვს. იგი 17–დიუმიანი დისკებითა და მასიური 40–დიუმიანი საბურავებითაა აღჭურვილი |
 ალცგეიმერით ან სკლეროზით დაავადებულ ადამიანებზე ზრუნვა ძალიან რთული ამოცანაა, მათ მუდმივი ყურადღება სჭირდებათ. ამასთანავე, ყველა არაა მზად მათი გადაადგილების თავისუფლების შესაზღუდად. ასეთი შემთხვევებისთვის შვედურმა კომპანიამ u-blox შექმნა Watchie. ეს GPS-ტრეკერია, რომელიც ხელზე საათის მსგავსად უკეთდება ადამიანს და პაციენტების გადაადგილებაზე დაკვირვების შესაძლებლობას იძლევა.
მოწყობილობას Watchie საფუძვლად ტექნოლოგია u-blox CellLocate უდევს, ეს ერთ ჩიპზე გაერთიანებული GPS-მოდული და ფიჭური გადამცემია, ისინი ადგილმდებარეობას მაღალი სიზუსტით განსაზღვრავენ. ამასთან, უკანასკნელი პასუხისმგებელ პირს გადასცემს ტრანსლაციას. შესაბამისად, საათის კონსტრუქციაში გათვალისწინებულია აგრეთვე სლოტი SIM-ბარათისთვისაც. |
|